ਵਿੱਦਿਆ ਸਾਗਰ ਪੱਤ੍ਰਿਕਾ: ਬਹੁਭਾਸ਼ਾਈ ਛਿਮਾਹੀ ਸਮਾਜ ਵਿਗਿਆਨਕ ਮਾਹਰ ਸਮੀਖਿਆ ਪਤ੍ਰਿਕਾ ਲੇਖਕ/ਖੋਜਕਰਤਾ ਦੇ ਨਿੱਜੀ ਪ੍ਰਗਟਾਵੇ ਦੀ ਸੁਰੱਖਿਆ ਲਈ ਵਚਨ ਬੱਧ ਹੈ। ਪਤ੍ਰਿਕਾ ਨੂੰ ਵੈਬ ਪੇਜ਼ ’ਤੇ ਅਪਲੋਡ ਕਰਨ ਲਈ ਲਿਖਾਰੀ ਤੋਂ ਨਿਮਨਲਿਖਤ ਜਾਣਕਾਰੀ ਇਕੱਤਰ ਕੀਤੀ ਜਾਂਦੀ ਹੈ:

• ਲੇਖਕ/ਖੋਜਕਰਤਾ ਦਾ ਨਾਮ
• ਸੰਬੰਧਿਤ ਸੰਸਥਾ ਦਾ ਨਾਮ
• ਸੰਪਰਕ, ਈ ਮੇਲ ਸਹਿਤ
• ਵਿੱਦਿਅਕ ਯੋਗਤਾ
• ਅਹੁਦਾ

ਇਹ ਸਾਰੀ ਜਾਣਕਾਰੀ ਬੇਹਤਰ ਸੇਵਾ ਲਈ ਲੋੜੀਂਦੀ ਹੈ।

ਸੰਪਾਦਕੀ ਮੰਡਲ ਦੀ ਜ਼ਿੰਮੇਵਾਰੀ

• ਮੁਖ ਸੰਪਾਦਕ ਅਤੇ ਪਤ੍ਰਿਕਾ ਦੇ ਸਾਰੇ ਉਪ ਸੰਪਾਦਕਾਂ ਦੀ ਜ਼ਿੰਮੇਵਾਰੀ ਹੈ ਕਿ ਕਿਹੜਾ ਖੋਜ ਪੱਤਰ ਮਾਹਰ ਸਮੀਖਿਆ ਉਪਰੰਤ ਪਤ੍ਰਿਕਾ ਵਿੱਚ ਸ਼ਾਮਿਲ ਕੀਤਾ ਜਾ ਸਕਦਾ ਹੈ।
• ਮੁਖ ਸੰਪਾਦਕ ਅਤੇ ਉਪ ਸੰਪਾਦਕ ਅਕਾਦਮਿਕ ਪੱਧਰ ਨੂੰ ਹੀ ਸਾਹਮਣੇ ਰੱਖ ਕੇ ਸਮੀਖਿਆ ਕਰਨਗੇ, ਰੰਗ, ਨਸਲ, ਧਰਮ ਦਾ ਭੇਦ ਉਨ੍ਹਾਂ ਦਾ ਵਿਸ਼ਾ ਨਹੀਂ ਹੋ ਸਕਦਾ।
• ਸੰਪਾਦਕੀ ਮੰਡਲ ਖੋਜ ਦੇ ਤੱਥਾਂ ਦੀ ਛਾਣਬੀਣ ਲਈ ਕਿਸੇ ਹੋਰ ਮਾਹਰ ਜਾਂ ਸਾਧਨ ਤੋਂ ਜਾਣਕਾਰੀ ਪ੍ਰਾਪਤ ਕਰ ਸਕਦਾ ਹੈ।
• ਸੰਪਾਦਕੀ ਮੰਡਲ ਦੁਆਰਾ ਸੋਧਿਆ ਹੋਇਆ ਜਾਂ ਅਪ੍ਰਕਾਸ਼ਿਤ ਵਿਸ਼ਾ ਕਿਸੇ ਵੀ ਤਰ੍ਹਾਂ ਹੋਰ ਕਿਤੇ ਪ੍ਰਕਾਸ਼ਿਤ ਕਰਨ ਦਾ ਅਧਿਕਾਰ ਨਹੀਂ ਹੋਵੇਗਾ

ਸਮੀਖਿਅਕਾਂ ਦੀ ਜ਼ਿੰਮੇਵਾਰੀ

• ਲੇਖਕਾਂ ਨਾਲ ਸੰਵਾਦ ਕਰਕੇ ਸਮੀਖਿਆ ਪ੍ਰਕ੍ਰਿਆ ਨੂੰ ਸੰਪਾਦਕੀ ਫੈਸਲੇ ਤੱਕ ਪਹੁੰਚਾਉਣ, ਸਮੀਖਿਅਕਾਂ ਦੀ ਜ਼ਿਮੇਵਾਰੀ ਹੋਵੇਗੀ।
• ਲੇਖਕ ਦੀ ਖੋਜ ਪੱਤਰ ਨੂੰ ਸੋਧਣ ਲਈ ਜਿੱਥੇ ਵੀ ਜ਼ਰੂਰਤ ਹੋਵੇ ਦਿਸ਼ਾ ਪ੍ਰਦਾਨ ਕਰਨੀ।
• ਜੇ ਸਮੀਖਿਅਕ ਨੂੰ ਸੋਧ ਪ੍ਰਕ੍ਰਿਆ ਕਰਨ ਵਿੱਚ ਅਸਮਰੱਥਾ ਲੱਗੇ ਤਾਂ ਮੁਖ ਸੰਪਾਦਕ ਨੂੰ ਇਸ ਸੰਬੰਧੀ ਸੂਚਨਾ ਦੇਣੀ ਅਤਿ ਜ਼ਰੂਰੀ ਹੋਵੇਗੀ।
• ਸਮੀਖਿਅਕ, ਸਮੀਖਿਆ ਪ੍ਰਕ੍ਰਿਆ ਦੌਰਾਨ ਕਿਸੇ ਵਿਸ਼ੇਸ਼ ਵਿਅਕਤੀ ਪ੍ਰਤੀ ਕਿਸੇ ਵੀ ਤਰ੍ਹਾਂ ਦਾ ਨਿੱਜੀ ਹਿੱਤ ਨਹੀਂ ਰੱਖ ਸਕਦਾ।
• ਸਮੀਖਿਅਕ ਦੀ ਜ਼ਿੰਮੇਵਾਰੀ ਹੈ ਕਿ ਉਹ ਇਹ ਨਿਸ਼ਚਿਤ ਕਰੇ ਕਿ ਲੇਖਕ ਨੇ ਖੋਜ ਹਵਾਲਿਆਂ ਸਹਿਤ ਪ੍ਰਮਾਣਿਕ ਤੌਰ ’ਤੇ ਸੰਪੂਰਨ ਕੀਤੀ ਹੈ।

ਲੇਖਕ ਦੀ ਜ਼ਿੰਮੇਵਾਰੀ

• ਲੇਖਕ ਦੁਆਰਾ ਖੋਜ ਪੱਤਰ ਦੀ ਪ੍ਰਸਤੁਤੀ
• ਜ਼ਰੂਰ ਹੀ ਸਹੀ, ਮੌਲਿਕ ਅਤੇ ਤੱਥ ਅਧਾਰਿਤ ਹੋਣੀ ਚਾਹੀਦੀ ਹੈ।
• ਇਹ ਯਕੀਨੀ ਬਣਾਇਆ ਜਾਵੇ ਕਿ ਖੋਜ ਪੱਤਰ ਵਿਚਲਾ ਵਿਸ਼ਾ ਵਸਤੂ ਕਿਸੇ ਦੀ ਨਕਲ ਜਾਂ ਉਤਾਰਾ ਨਾ ਹੋਵੇ, ਸਗੋਂ ਹਵਾਲਿਆਂ ਸਹਿਤ ਹੋਵੇ।
• ਇੱਕ ਖੋਜ ਪੱਤਰ ਨੂੰ ਇੱਕ ਸਮੇਂ ਇਹ ਹੀ ਪਤ੍ਰਿਕਾ ਵਿੱਚ ਦਰਜ ਕਰਵਾਇਆ ਜਾਵੇ।